ஹைக்கூக்கள் 12

 

மாணவர் போராட்டங்கள் இந்தியாவை உலுக்கிய நேரத்தில் எழுதப்பட்டவை இந்த ஹைக்கூக்கள்.

பசியால் நலிந்தாலும்
நலியாமல் வளர்வது
பட்டினிப் போராட்டம்.

இழுத்து மூடப்பட்டாலும்
முழுமூச்சாய் தொடர்கிறது
முன்மாதிரிகளின் போராட்டம்.



மயங்கி கிடந்தவர்களையும்
விழிக்க வைத்திருக்கிறது
மயங்கிய இவர்கள் போராட்டம்



விசிறிகளுக்கும்
வியர்த்துக் கொட்டுகிறது
விடுக்கப்பட்ட(??!!) அறிக்கை.

 

அரச நிழலில் அமர்ந்திருப்பது
புத்தனல்ல
புதுப் பேய்கள்.

வல்வையூரான்.

	Tweet

ஹைக்கூக்கள் 11

கண் விழித்ததும் கைபேசி
முழு ஆக்கிரமிப்பாய் நீ
முகப்புபக்கம்




நாளைய பொழுதுகளில்
காணாமல் போகின்றன
நேற்றுக்கள்



சிலுவையில் இன்று
அறையப்படுகின்றன
சிலுவைகளும்.



குளிர் நிழலில் இருந்தாலும்
கொதித்தபடி இருந்தது
மனசு.

பிறந்தநாளில் சந்தோசமாக இருக்கையில்
பின்னால் நின்று சிரித்தது காலம்
நான் போகின்றேன் என்று.



சிரித்தபோது வலித்தது
உதடுகள் மட்டுமல்ல
உள்ளிருந்த வேதனையும் தான்.



உனக்கான இருப்பை 'நான்'
தேடிக்கொண்டிருக்கின்றேன்
என்னைக் காணாமலே.



உறவுகள் உருமாறியது
உருவானது
பணம்.



நிரந்தர வாடிக்கையாளனாக நான்
நித்திய வியாபாரியாகவே
இறைவன்.

வல்வையூரான்.

	Tweet

திருமணவாழ்த்து.

கேசவன் தாரிகா 

இருவரும்

இரு மனமும் ஒரு மனமாய்

ஈருடல் ஓருயிராய்

இன்பத்திலும் துன்பத்திலும் 

இணைந்து

இல்லறத்தை நல்லறமாய்

நடத்தி

தங்கம் போல் தமிழை 

வளர்த்து காத்து 

வாழையடி வாழை போல்

வையம் உள்ளளவும் 

வல்வை முத்துமாரி அருளோடு

வளமான பதினாறு செல்வங்கள் பெற்று 

வானோங்க வாழ

வாழ்த்துகின்றோம்.

அன்புடன் 

வல்வையூரான்.

	Tweet

முத்தம்.

 
பேனையை விட
எனக்கு
பென்சிலாக
இருக்க ஆசை

ஏனெனில்
நீ சீவி
கூர் பார்க்கையில்
உன் கன்னங்களில்
அடிக்கடி...
முத்தமிடலாம்.

வல்வையூரான்.

 

	Tweet

ஹைக்கூக்கள் 10

பார்த்து சிரித்ததால்
முறிந்தது
அடுத்த வேலியின் பூவரசந்தடி

மங்கலம் பாடிக்கொண்டிருந்தாள் மனைவி மங்களம்
தலையாட்டிக்கொண்டிருந்தது
வேலியில் இருந்த ஓணான்

இராணுவத்தால் வெட்டப்பட்டிருந்தது வேலி
அழகாய் தெரிந்தது
பக்கத்து வீட்டு கிணற்றடி

இற்றுப் போனது கூரை
சிரித்தன
விண்மீன்கள் 

நீ தூங்கியதால்
நான் தூங்கவில்லை
குறட்டை.

விரல்களின் நளினத்தால் விளைந்தது
நல்ல இசை
நடனமாடியது குழந்தை.  

நிலவில் கூட மேடுபள்ளமுண்டு
இல்லை உன்முகத்தில்
மேக்கப்.

வல்வையூரான்.

	Tweet

அகிம்சை.

ஒரு சில தசாப்தங்களுக்கு
முதல் வரை
அகிம்சை என்றால்
காந்தி என்றனர்.
அதனையே உலகும்
காந்தியம் என்றது.
காந்தி நாடு என்று
பாரதத்தை கொண்டாடியது.

உண்மை அகிம்சை
எது என்று
உலகுக்கு சொல்லி
பாரதத்தின் முகமூடி
கிழித்தான் பார்த்தீபன்

பாரதம் பார்த்திருக்க
பசியில் பிள்ளை நீர்த்து
பன்னிரண்டாம் நாள்
வீர சுவர்க்கம் சென்றான்
அகிம்சை தீயை
உலகில் ஏற்றிய
தீபச் சுடர் திலீபன்.

பௌத்தத்தை
அகிம்சை மதமென்றனர்
மதங்கொண்ட பௌத்தர்
மனட்சாட்சி இல்லாமல்
கொலைக்காட்சியை
உலகிற்கு காட்டினர்
முள்ளிவாய்க்களில்

அந்த ஆ.. கிம்சையாளருக்கு
அரவனைப்பு கொடுத்தது
கிம்சையாளர் ஆளும் ஹிந்தியா

தமிழன் என்ற உணர்வு
தலை தூக்கிய பொழுதெல்லாம்
தரங்கெட்ட தலைமைகள் - அதை 
தகர்த்தெறிய தலைப்பட்டன.

மறத்தமிழர் எழுந்தனர்
மாணவராய்ப் பொங்கினர்
புறப்பட்டனர் புதுவழியில்
பட்டினி ஆயுதத்தை
பலமாய் பிடித்தனர் 

முன்னவன் காட்டிய பாதையில்
முழுதாய் குதித்தனர்
மூண்டது தீ 
முழு நாடும் பரவியது.

அடக்கத்தான் பார்த்தனர் சிலர் -அவர்களை 
அடக்கி வைத்தனர் இவர்கள் 
தம்மைத் தொடருங்கள்
என்றனர் சிலர்
வாருங்கள் எம் பின்னே 
என்றனர் இவர்கள்
அரசியல் சாயத்தை 
அள்ளி வந்தனர் சிலர்
அங்கேயே நில்லுங்கள் 
என்றனர் இவர்கள் 

இவர்கள் உங்கள் பிள்ளைகள்
இவர்களுக்கு புரிந்தது - ஏன்
உங்களுக்கு மட்டும் புரியவில்லை
இணைத்திடுங்கள் - உங்கள்
கைகளை இவர்களோடு
கொடுத்திடுங்கள் - உங்கள்
ஆதரவை இவர்களுக்கு

இணைப்பினால் 
இனிதாய் ஒரு
நாடு பிறக்கும்.

வல்வையூரான்.

	Tweet

அழகு

ஏழு வயதுகள் மட்டுமே நிறைந்த 3ம் தரம் படிக்கும்  என் மகனின் முதல் கவிதை. அழகு என்ற தலைப்பில். (இந்தியா திருச்சியில் இருந்து மகளீர் தினத்தில எழுதியது.)

அழகு.

நீல வானம் அழகு - அதில்
பறக்கும் குருவிகள் அழகு
பச்சைப்பசேல் மரங்கள் அழகு- அதில்
மலரும் மலர்கள் அழகு

உயர்ந்த மலைகள் அழகு -அதில்
வளரும் தேயிலை அழகு
நீண்ட கடல் அழகு - அதில்
விளையும் முத்து அழகு

பூக்களின் இதழ்கள் அழகு - அதில்
தேனுறிஞ்சும் தேனீ அழகு
பச்சை புல்வெளி அழகு - அதில்
மேயும் பசு அழகு

மு.ஷதுர்ஜன்.(குட்டி வல்வையூரான் )

	Tweet