ஓரிடத்தில் மாவீரரைத்துதிப்போம்

தமிழே உயிரே தலைதாழ்த்தியொரு வணக்கம்
தரணியில் உனக்கென்றொரு நாட்டுக்கென்ன சுணக்கம்
தண்ணொளி மண்ணிலின்று உன்னவர்களுக்குலில்லை இணக்கம்
தரங்கெட்ட மனிதராய் தமிழர்களுக்குள்ளே பிணக்கம்.







தமக்கென வாழாது நமக்கென மாண்டவர்கள்
தன்னலம் பாராது சமராடிய தாண்டவர்கள்
தமிழ்த்தாய் மீது அழியாப்பாசம் பூண்டவர்கள்
தரணியிதில் மாவீரரென்று பேர்கொண்ட ஆண்டவர்கள்.







மங்காத வீரமுகம் தன்னை கொண்டவர்கள்
மகிழ்வாக தலைவன் அடியொற்றி நின்றவர்கள்
மண்டியிட்டு மாற்றான்பாதம் தொழுதிடா மன்னவர்கள்
மறப்பரோ அவர்தம் மாண்புகளை எம்மவர்கள்.






ஆண்டுகள் சிலஓடி போனது இன்று
அவனியில் தமிழினம் ஆனது துண்டு
அன்னவர்கள் வாரமிது ஆகிடுவோம் ஒன்று
அன்பாலே ஓரிடத்தில் மாவீரரைத்துதிப்போம் நன்று.

வல்வையூரான்.

	Tweet

தேடல்.

தேடல்கள் நீண்டாலும்
தீர்க்கமாய் முடிவெடுத்து

தேடு பொருளை சரியாய் தெரிந்து 

திசைதனையும் ஆய்ந்து

தேடலை மேற்கொண்டால்

திருப்திதான் திருப்பதி 

தேடுபொருள் கிடைக்கும்

திடமாகத் தான் நம்பு

தொலைத்தவை நிறையத்தான் தமிழன்

தேடத்தான் வேண்டும் தேடு

தொலைத்தது ஒன்றும் தொலைவிலில்லை

தேடத்தான் வேண்டும் தேடு

ஒற்றை காலில் நிற்கும் கொக்கு கூட

தேடித்தான் நிற்கிறது 

ஒற்றுமையாய் தேடிப்பார் 

தேடுபொருள் நிச்சயம் கிடைக்கும்

வல்வையூரான் 

	Tweet

மழை காட்டும் ஒற்றுமை தமிழா

கடல் கொண்ட நீரை

கவர வந்த கள்வன்

கரு கொண்ட மேகம்

பெரு மேகம் தங்கள்

பேதைமை மறந்து இணைந்து

பெய்வது தான் பெருமழை

மேகத்துடன் மேகம் இணைந்து

மேலான ஒற்றுமை கொண்டதால்

மேதினி பெறுவது தான் மழை

சிறு சிறு துளிகள் எல்லாம்

சிதறாமல் சேர்வது தான்

சினம் கொண்ட பெரு வெள்ளம்

வரும் வெள்ளம் கண்டால்

வழி எல்லாம் உள்ள

வனமெல்லாம் என்னாகும்

எல்லாமே எதனால் சாத்தியமாயிற்று

ஏதமில் ஒற்றுமை தான்

என்பதை உணரு தமிழா

ஒற்றுமை ஒன்று இருந்தால்

ஒன்றாய் நாங்கள் நின்றால்

ஓர் நாடென்ன ஒருலகமைகலாம்

நாட்டில் ஒன்றாய் இருந்தோம்

நாலாய் பிரிந்தோம் - நாய்கள்

நம்மில் நஞ்சை கலந்தன

நீயா நானா எனும்

நீதியிலாப் பேதைமை கொண்டோம்

நிறையவே அமைப்புகள் ஆனோம்

ஆகிய எம் பிரிவுகளாலே

அரசியலிலும் அகதிகள் ஆனோம்

அதிசயந்தானோ இதுவும் அசிங்கம் தான்

நீர்த்துளிகள் அவற்றுள் ஒற்றுமையாலே

நிலையான வனமழிக்க முடியுமானால்

நினைத்துப்பார் தமிழா உன்னால்

ஒன்றாகு தமிழா உனக்குள்

ஒற்றுமையாய் சேர் நன்றே

ஒரு நாடு செய்யலாம் இன்றே

வல்வையூரான்

	Tweet