ஹைகூக்கள் 23.

பொருமி தவித்தன ஏதிலியாகா ஏதிலிகள்

சாவகாசமாக செருமிக்கொண்டிருக்கிறது

சர்வதேசம்

எட்டி எட்டி பறிக்கின்றாள் கனியை

எட்டவில்லை

ஏங்கியது கன்னிக்காய் மனது.

கொடுத்துக்கொண்டிருக்கிறேன்

தீரவில்லை திகட்டவில்லை

முத்தங்கள். 

வைக்கோல் கன்று காட்டி ஏமாற்றிய பால்க்காரனுக்கு

நிஜக் குழந்தை காட்டப்பட்டது

சிக்னல் பிச்சைக்காரி.

பிடியின் வழி

வளைந்து வளர்கின்றன 

பானைகளும் குழந்தைகளும்.

பிடித்தபடி வளர்ந்தது பானை

வளரவில்லை 

அவர்தம் வாழ்க்கை.

கிளறுகின்றது கோழி

குப்பையோடு 

குடலையும் - பசி

மனிதாபிமானம் அற்றவர்களெனப்பட்டவர்களுக்கு(???!!!)

மனிதாபிமானம் உள்ளவர்களெனப்பட்டவர்கள்(???!!!)

வழங்குவது மரணம்!!!.

இடைவிடாத அடை மழை

சுகமாக தூங்குகிறது

என் அடுப்பில் பூனை.

கொட்டும் மழை

தூக்கம் தொலைத்த குழந்தை

ஏக்கம் தரும் கட்டில்...

வென்றவர்களென்றவர்கள்

வீழ்ந்தார்கள், வென்றார்கள் 

வீழ்ந்தவர்கள் - இலங்கை தேர்தல் முடிவு

வல்வையூரான்.

	Tweet

ஹைக்கூக்கள் 14

முடிந்து போனது மே 18
முடியாமல்
வழிகிறது கண்ணீர்.

தேடிக்கொண்டிருக்கிறேன்
காரணங்களை
என்னை வெறுப்பதற்கு.




விம்மும் போது
விளங்கியது
விபத்து.




அவன் காதல்
ஆரம்பித்ததும் முடிந்ததும்
'நன்றி'யில்




குளிர்ந்தபோது
தெரிந்தது
உள்ளிருந்து வெப்பம்.




விலையேற்றம்
குறைந்தது
விபச்சாரம்.




மௌனங்கள் போசிக்கொண்டன
அழுதது
குழந்தை.

அடிக்கப்பட்டது
உடைகின்றன
கற்களும் குழந்தைகளும்!!




சப்பாத்துக்களைத் துடைத்தான்
தூசு தட்டுப்படட்டும்
மனங்களில் இருந்து.




பெரும் பாலபிஷேகம்
இறைவனுக்கு,
குழந்தைக்கு? 

வல்வையூரான்.

	Tweet

ஹைக்கூக்கள் 4

பசித்ததால் திருடி

புசித்தான் நஞ்சை

வறுமை.

அவன் கொடுத்த ரோஜாவை திருப்பி எறிந்ததால்

ரோஜாக்கொத்துக்கள் அவன்காலடியில்

கல்லறையில் அவன்.

கல்லூரி வாசலில் காற்றடித்தது

பறந்தன ஆடைகள்

இறந்தன இளசுகள் மனசு.

சிலர் சிரிக்காததை நினைத்து

சிரித்த அவன்

பைத்தியக்காரன்.

தினமும் உன்னங்கங்கள் தழுவுவதால்

என்னை நான் இழக்கிறேன்

நுரையாய் - சவர்க்காரம்.

வல்வையூரான்.

	Tweet

ஹைக்கூக்கள் 2

அப்பல்லோ இல்லை

சந்திரனையும் கடந்து

காதலர்கள்.

இணைபிரியா தோழன்

ஏழைக்கு

பசி

சும்மா இருந்தாலும்

இருக்க முடிவதில்லை

இணையம்.

கடவுளும் பயந்தான்

கொடுப்பதற்கு

கடன்

நாற்று நடுகையில்
நனைந்தது
மனசு

இடைவிட்டு இறங்கத்துடித்தன 

காற்சட்டைகள்

வாலிபவயசு 

சிதறின சில்லறைகள்

இறந்தவன்

பிச்சைக்காரன் 

வல்வையூரான்.

	Tweet