ஹைக்கூக்கள் 13.

நான் விழுந்ததும், வலித்தது
எனக்கல்ல
தாய்க்கு.




இன்றும் எங்கும்
விற்பனைக்கில்லை
தாயன்பு.



உள்ளே போனதால்
உளறப்பட்டன உண்மைகளும்
குடி



அன்றிருந்தது
இன்றில்லை
நீயும் உன் அன்பும்.



பெண்மையில் திருடப்பட்டது
நாணம்
புதுமைப் பெண்?



அரிதாகின்றது
தமிழ்நாட்டில்
தமிழ் !!!.



அழகாய் தெரிவது
மலரா ?
மங்'கை'யா ??



என் இதயம் துடிக்காமலே இருந்துவிடட்டும்
பத்திரமாக
அவள் தூங்குகிறாள்.



சுயிங்கமாகியது வாழ்க்கை
தினமும்
சப்பப்படுகிறது, இழுக்கப்படுகிறது.

வல்வையூரான்.

	Tweet

தமிழ் காத்து வாழ்வோம்

தமிழ் அழகு மொழி - அறிவு
சிறந்தோர் உதித்த மொழி

தமிழுக்கு அழகு ழகரம் - அந்த 

தமிழ் இன்று இழந்தது பல 

நாடு இழந்தோம்
நகரிழந்தோம்
தன்னிகரிலா உறவுகளை இழந்தோம்
தங்கி வந்த நாட்டில்
தமிழில் எங்கள் பேரிழந்தோம்
இத்தனையிலும் பெருமையும் கொண்டோம்
இது எங்கள் சிறுமைதானே

தமிழன் நாம் பலர்
பேசுவது தங்கிலிஸ்
பேசுவது தங்கிலிஸனாலும்
அதிலும் பெருமை கொள்ளும்
சிற்றரிவினர் எம்மில் பலர்

லகரமும் ழகரமும் றகரமும்  ரகரமும்
எம்மில் பலருக்கு
சரியாக வருதில்லையாம்

தமிழை காதலி
தமிழுக்காக வாழ்ந்து பார்
அழகு தமிழ் உன்னோடு கொஞ்சும்

தமிழன் என்று சொல்வது பெருமை
தலை நிமிர்ந்து நிற்பது பெருமை
தமிழ் காத்து வாழ்வோம்
தலை வகுத்த வழி நிற்போம்.

வல்வையூரான் 

	Tweet